الفصل الثالث: الحياة الجامعيه

صحيت الساعه ثمانيه عشان اتجهز و اروح للجامعه مع غاده و عنود  

بس طبعا ما ادرس بالجامعه لانه "عيب" للبنت تدرس بالجامعه. 

لان هذا يخليها تختلط مع انواع صديقات مو كويسات 

و يخليها تصير من النوع اللي يطلع من البيت كثير 

و يخليها تهمل واجبات المنزل مثل التنظيف و الطبخ و تهمل رعاية اطفالها بالمستقبل.

كل ما رحت لجامعتهم ادخل المكتبه و اقعد اثقف نفسي بقراية بعض الكتب العلميه. 

رجعت البيت و لقيت امي نايمه فقلت اباخذ قيلوله، نمت و صحتني مها تبيني اطلع معها السوق بما ان احمد مشغول اليوم ف ما كانت تبي تقعد لحالها مع الصغار. 

فطلعنا و ما امدانا وصلنا للسوق الا دق احمد على مها ولا ردت عليه

دق مره ثانيه

ولا ردت

دق مره ثالثه

ولا ردت

استغربت؟ و دق علي و سألتني

 "احمد؟" 

قلت "اي" ورديت و بنفس الوقت قالت مها 

"لااا لا تردين!!!" 

احمد: "جواهر! ويينكك!" 

قلت: " طالعه مع مها، ليه صاير شي؟؟"

"تستهبلين ولا تستعبطين! حنا وش قايلين!!! ارجعي الحين بسرعه!"

"بس.. بسسس.. توناا.."

"بدون اي كلمه! تعالي الحين تفهمين!"

"خلاص طيب.."

قفلت و قلت لمها، "أسفه ما دريت.." قالت انه عادي المره الجايه نطلع

و دخلت البيت و ناداني احمد 

دخلت غرفته و قفل الباب و قال:

"انا وش قايل لك؟"

" أسفه والله نسيت.."

و مسكني مع شعري و سحبه على فوق 

" اناا وش قاايلل؟؟؟"

" اااااه احمدددد والله يوجععع لو سمححت اتركنيييي"

"جاوبينيي!!!"

و عطاني كف كالعاده، و رماني عالارض.. و قام يرفسني

"خلاااصص ماا عااد اعييدهااا" 

و وقف و قال:

" ما تعيدين ايش؟"

" اني اطلع اكثر من مره بالشهر.."

"شااااطره يالله طيري سوي لي غدا جوعان. لحظه لحظه قبل لا تطلعين!"

" نعم.."

"نعععممم؟؟؟؟"

"سم اقصد.." 

"شاطره. جيبي جوالك بسرعه."

"ليه؟"

" اقول لك جيبيه!" 

"طيب.."

" متى ما بغيتي عنود او غاده تدقين عليهم من جوالي!"

** 

Twitter: FemaleBlogger_S

Kik and snapchat: FemaleBlogger

Ask.fm/ItIsntForeverBlogger

FEEDBACK AND COMMENT BELOW OR ON ASK.FM! 

Xx<3