وين رايحين؟؟؟؟
--
"لحظه ممكن احد يفهمني ايش السالفه؟؟"
"تعرفين بعدين تعرفين بعدين"
و مشينا بطريق ما اعرفه
صحراوي شوي
"يا جماعه احد يقول لي وين رايحين؟؟"
"نقول لها؟" قالت غاده
" يالله عاد بلا سخافه قولو"
ردت مها " خلاص خلاص نقول لها"
"رايحين المطار"
"مطار؟؟؟؟ ليش؟؟"
ردت مها " بتعرفين بعدين"
"عن حركات المبزره يالله قولو ترا بديت اخاف والله العظيم انزل هاه!"
غاده البزر ردت " يالله ورينا انزلي و السياره تمشي"
"-.- بزران"
"حنا البزران؟ انتي البزر مو راضيه تصبرين و تفهمين انه بعدين"
و وصلنا المطار
اول مره تنزل رجلي على هالمكان ، احمد لما كنت اقول له ابي اسافر مع صديقاتي او احد قرايبي يقول ان لمست رجلي المطار والله لا يكسرها
و من اول خطوه
احس اني عايشه حياه حقيقيه
مو مثل قبل، حياه ميته، اصلا ما كنت عايشه!
كان نفسي اجرب شعور اني احس بحريه و اني اسوي كل اللي كان ممنوع
محد يهددني
محد يضربني
محد خايفه منه
محد يقهرني!
محد يعاقبني
محد يمشيني على كيفه
محد حاط لي قوانين
احس اني انسانه طبيعيه لأول مره!
و قررت اطلع حرتي و قهري من اللي فات
و اول نقطه كانت اني افصخ نقابي.
احسه شعور جميل!
ما عادني مغصوبه اسوي شي بس عشان كلام الناس!!
و قعدنا ننتظر للطياره و جا الوقت
ركبت الطياره لأول مره بحياتي
"طيب الحين ممكن اعرف وين رايحين؟"
"كسرتي خاطري خلاص، رايحين امريكا"
"امريكااا!!!؟؟؟"
ياااا الللله ما تدرون قد ايش انبسطت
قريت عنها كثييييير بكتب جامعة غاده و عنود
اعرف طقسها و عاداتها و تقاليدها و تعلمت كم من كلمه بالانقليزي و اعرف بعض المناطق السياحية هناك!
"مها اكرهك أكرهك أكرهك!!!! يااا اللللهههه ما تدرين قد ايش اموت فيك!!"
" حددي تحبيني ولا تكرهيني؟؟؟"
"ابي اروح دزني لاند و القولدين قيت بريج و السنترال پارك و التايم سكوير و ابي اشوف البيت الابيض و كلللل شييييي!! بس لحظه.. كم بنقعد؟"
" رح نسكن هناك "
"ايشش!!!؟؟؟ كيفففف!!!؟؟؟؟؟؟"
"زي ما سمعتي خلاص"
"لكن ليش!"
" انا زوجي متزوج علي و حقير يسوي اشياء من وراي و امي مو راضيه ارجع، و انتي اخوك برضو حقير و أمك تمشي على كلامه، و غاده تعرفين قصة امها و ابوها. اعتقد خلاص كافي اللي قاعد يصير و عن نفسي ما رح اقدر أتحمل اقعد زياده بهذي الأجواء."
"اا.. احم.. طيب و عنود؟"
"عنود بقى لها شهر و شوي و تخلص السيميستر ف رح تكمل عندنا"
**
Twitter: FemaleBlogger_S
Kik and snapchat: FemaleBlogger
Ask.fm/ItIsntForeverBlogger
FEEDBACK AND COMMENT BELOW OR ON ASK.FM!
Xx<3
