بعد اربع اسابيع
تعودت على الوضع الجديد و عرفت المكان و الاماكن اللي حولنا
شعوري لا يوصف، من اول و انا ودي اطلع من قوقعتي اللي اخوي حطني فيها و ابدا ما توقعت اني اطلع منها بيوم من الايام او اطلع منها بهالطريقه
بديت اتعرف على الناس اللي ساكنين حولي و على حظي اغلبهم طلعو بنفس عمري تقريبا
و وحده من جيراننا مصريه جت اليوم تزورني و قالت انها تبي توديني مكان هي دايم تروح له و دايم تلقى نفسها هناك و قلت خلاص نروح لان ودي استكشف الاماكن اللي عندنا بس هالمكان هي مدحت لي اياه يعني باين انه صدق مكان حلو و ينراح له دايم
جا الليل و تجهزت.. طالعت نفسي بالمرايه .. ليش ما اجرب ما اتحجب بس اليوم؟
و فصخته و حطيت فل ميكب من عند مها و سويت شعري ويفي
و مرتني جارتنا المصريه و طالعتني بنظرة غريبه
و سالتني اذا بطلع كذا، و قلت لها ايه ودي اجرب قالت لي لا غيري بنطلونك و البسي تنوره او ليقنق
حتى ما فكرت ليه بس اللهم اني اطلع من قوانين اخوي
غيرت و رحنا
اول ما وصلنا كان في ناس كثااااار يدخلون المكان و مبسوطين و يضحكون استغربت مره
و دخلنا و كان في اصوات اغاني عاليه مره اللي ما اقدر اسمع نفسي لما اتكلم و ناس ترقص و حوسه
جت جارتي المصريه سحبتني معها و دخلتني مكان غريب و قعدنا و جابو لنا كاسات قامت طلبت لنا و الحمدلله هذا المكان اقل ازعاج فنقدر نسمع بعض
طالعتني و سالتني شفيك؟ قلت لها مدري اول مره اجي مكان زي كذا وجهها تصفق اوللل مررره؟؟ عمرك بالعشرين و اول مره؟؟؟ طالعتها و انا ما عندي اي رد
و جابو درنكس و شربت اول كاس و حسيت و شوي شوي بديت افقد حاسة السمع و النظر و فجاه ما اتذكر اي شي
صحيت اليوم الثاني مصصصصدعه و اعتقد محد داري وش صار
بعد اسبوع و كم يوم صرت اروح تقريبا يوميا
وجاني واحد و قعد يرقص معي اول مره اتعامل مع الجنس الثاني، و طبعا رقصت معه بس عشان احس اني صدق صرت حرة بتصرفاتي و شوي لقيتني مع واحد ثاني و اللي صار بعده ما اذكره
صحيت باليوم اللي بعده بمكان غريب اول مره اشوفه و اطالع يميني و ألقى نفسي نايمه مع واحد غريب ما اعرفه و ملابسي مرميه عالارض جيت ابقوم اطلع الا هذا الرجال الغريب صحى و مسكني و قعد يسوي لي حركات غريبه بس اني ما بغيت اطلع
كان احساس مره غريب! بس اني لأول مره حسيت احد مهتم فيني او يحبني او يبيني
و فجاه طلع و تركني لا اعرف اسمه ولا رقمه ولا حتى اتذكر وجهه
و طلعت من المكان و بسرعه أخذت لي تاكسي و رجعت البيت
و شافتني مها ولا علقت ولا قالت اي شي و نمت
و قمت على الساعه تسع مشتهيه اروح اشرب
ادمنته بشكل مو طبيعي
و رحت و جتني وحده هالمره و مدت لي علبة دخان و برضو ليش ما اجرب؟؟ و جربته و حسيت بشعور مره حلو ما اقدر اوصفه
و برضو فجاه صحيت من النوم مع واحد ثاني ما اعرفه
و على هالموال لمدة شهرين
و من بعدها بديت احسه شي عادي و طبيعي
و أدمنت هالشي و كلهم عارفين اللي قاعد يصير بس محد قادر يسوي اي شي لان ما عاد صارو يقدرون يتحكمون بهالشي
بالضبط زي القنبله لما تنفجر
خلاص ما تقدر ترجع الشي زي ما كان
**
Twitter: FemaleBlogger_S
Kik and snapchat: FemaleBlogger
Ask.fm/ItIsntForeverBlogger
Xx<3
